Ou dito doutro xeito “entre este clavel y esta rosa su majestad es coja” que diría Quevedo

Ben, miremos: Está claro que para o máis rancio nacionalismo español, o nacionalismo unificador, todos somos españois e por iso, (por iso, si, nada máis que por iso ¿que pasa?, como se fixeran falla máis motivos…) a todos nos gustan os touros (¿velos torturar ata a morte?, pero ¿non é a festa nacional?, ¡pois a defendelos, carallo!) e o flamenco (hai a Lola Flores…esa si sentía a España). Só por ser españois sabemos, tamén, que o mellor libro do mundo é O Quijote, (e o que se perden, por certo, os que non saben castelán por telo que ler traducido…) ao tempo que non entendemos como se pode traducir, por exemplo, a Shakespeare ao galego, cando xa se pode ler perfectamente en castelán (perdón, español).

Ese nacionalismo non entende, é imposíbel có entenda, que alguén poda ter máis de dúas opcións. Hai dúas Españas, vale. A do Real Madrid e a do Atlético de Madrid (ou a do Barcelona, que, ao cabo tamén está en España, por moito que lle moleste a algúns), a da praia ou a da montaña, a de Manolete ou a de non me lembro quen, a de quen prefire ver touros ou ver fútbol, a da camisa azul e a da camisa vermella…

Esa España, cando hai eleccións sabe, evidentemente, que en España se presentan os mesmos partidos en todas partes, ¿acaso non somos todos iguais? ¿e que alguén precisa sentirse distinto co guai que é iso de ser español?. ¿É que se cren mellores? Por outra banda, se hai dúas opcións con posibilidades de gobernar, ¿para que queremos máis?. Así que, se en Madrid se presentan, con opcións de gañar algo, o PSOE e o PP, pois é que en todas partes se presentan. E, por tanto, un deles vai gañar e o outro vai perder. A iso se reducen as eleccións en Madrid, nas dúas Castelas… en toda España.

Esquécense, dende logo, de partidos tan importantes coma Izquierda Unida, por exemplo. E de que en moitos territorios (¿nacións?) hai opcións máis fortes cá un deles… ou que os dous .

Pero para eles é normal preguntarse tan só se vai gañar un ou o outro. Son nacionalistas reducionistas e reducidiños (de mente).

Enténdese.

Pero que tamén o faga un xornal galego, como xornal.com (ver resultados e comentarios)…

Non, iso non se entende.

E a ver se hai sorte e en Galiza, Euskadi e Cataluña, perden os dous… (E no resto do estado, tamén).

Evidentemente non me dou reorganizado. Non podo seguir co blog tal e como estaba pensado, por falta de tempo, pero tampouco quero renunciar a el. Así que non escribirei con tanta frecuencia como facía pero espero seguir de cando en vez.

Deste xeito desaparecerá “o moscón semanario” http://omoscon.blogspot.com/ pois éme imposíbel manter esa periodicidade.

A páxina principal do blog pasa a ser http://moscon.blogaliza.org.

Ademais espero seguir coa “mosquipedia”. Especialmente co debate nuclear (http://omoscondenu.blogspot.com) problema que me parece cada día máis próximo. De feito nos mentideiros xa se fala de que o asalto final das eléctricas a prol desta enerxía será na próxima lexislatura.

Por exemplo, en A Nosa Terra (enlace) podemos ler o seguinte parágrafo “Outros grandes operadores están agardando a facer o mesmo pero Endesa adiantouse porque, segundo un empresario que estivo nalgunha destas reunións, nas negociacións para a opa de Endesa, o goberno central pactou cos grandes operadores eléctricos o novo marco. Nel, o Estado asumirá o control de facto das enerxías eléctricas renovábeis para tamén se comprometer a pór en marcha a enerxía nuclear logo das elección xerais.”

A postura do PP e da Ceoe de pretender duplicar a producción de enerxía nuclear nos próximos dez anos, xa é coñecida (enlace) . (espero ter rematado antes desa data os catro puntos- limpa, segura, barata e abundantes combustíbeis- que coido deben centrar o debate)

Finalmente pedir desculpas polas modificacións que fai showzoho nas presentacións, en xeral positivas, pero que deixan a algunhas a medio funcionar.

-

-

-

-

-

-

O ano pasado, policías e nacionalistas conservadores evitaron que os defensores rusos e estranxeiros dos dereitos dos homosexuais marcharan polas rúas de Moscú, en medio de accións de violencia e detencións de manifestantes.

A marcha está prevista para o vindeiro mes de maio.

O alcalde agradeceu publicamente o apoio do Patriarca da igrexa ortodoxa rusa Alexi II por apoialo na prohibición da marcha.

Os fundamentalismos crentes, de calquera signo, sexan ortodoxos, como neste caso, ou xudíos, musulmáns, católicos, etc., maniféstanse de acordo no “fundamental” (non podía ser doutro xeito), como se pode ver nestas páxinas, collidas ao chou de googel. Non hai que buscar moito para atopar outras con opinións ou feitos semellantes.

Fontes:

Vieiros: O alcalde de Moscova prohibe unha marcha gai por considerala “satánica”

NoRMaLiZaNDo » Para el alcalde de Moscú la marcha del Orgullo Gay …

RIA Novosti - Últimas noticias - ALCALDE DE MOSCÚ NUNCA PERMITIRÁ …

O Foro Social Mundial despídese ata o 2009

A esixencia da cancelación da débeda externa marcou o peche do Foro Social Mundial

¿Que é o Foro Social Mundial?

Beiras presenta ó nacionalismo como alternativa ó “colonialismo ultraliberal”

Índice:

Galiza

Premio Xosé Couso.

De empresas galegas

Península:

Humorista.

Tráxico .

Europa:

Risco de marea negra .

Mundo:

Foro Social Mundial.

Foro económico mundial

Pasatempos:

1) Pleno ao 13

2) Atopa as tres rúas

Para ver en pantalla enteira, premer boton inferior dereito

Ferrol nomeará fillo adoptivo a Santiago Rei Fernández -Latorre

O Concello destaca o «compromiso» e a «defensa de Ferrol» do editor de La Voz

Leo en Vieiros que a primeira xornada de debates no Foro Mundial Social, criticou fortemente á Revolución Verde proposta polas fundacións de Bill Gates e Rockefeller.

A activista india Vandana Shiva foi quen acusou as fundacións de promover un sistema que favorece a perda da diversidade agraria e o endebedamento dos agricultores, pois a utilización de sementes híbridas e fertilizantes é “unha receita obsoleta” que “provoca a perda da diversidade agraria, a base para a vida dos campesiños, e equilibrio ambiental”.

A modo de contrapunto, páxinas de Brasil sobre agricultura:

Departamento de asistencia técnica e extensión rural do Ministerio de desenvolvemento agrario do Brasil Agroecologia e Desenvolvimento Rural Sustentável.

Agricultura ecolóxico no estado brasileiro de Río Grande do Sul: www.agirazul.com.br/artigos/caporal1.htm

Definición de agricultura sustentábel:

http://www.partidoverdegoias.com.br/site/boletim_record.php?d=0000000042.

A Fundación Galiza Sempre (FGS) acudirá ao Foro Social Mundial que se celebra en Nairobi.

Enlace á páxina da Fundación Galiza Sempre

Enlace á páxina co programa en Kiswahili (outros idiomas inglés, español ou francés)

Comentario de estrela esvaecida

Os artigos

1) Galiza: (Estatuto)

2) Península (Rotos por eta. Referendo en Portugal, Pescanova segue presionando)

3) Europa (Cambio climático e debate nuclear)

4) Internacional (Dez crises humanitarias. Nicaragua. Fundamentalismo evanxelista. Busca e captura para os asasinos de Xosé Couso. A wikipedia fai anos).

5) O pasatempo